<<
>>

Роздел третий О вольностях шляхецких и о розмножень ю великого князствл Литовского

Арт. 1. О розмноженью великого князства Литовского. Мы господар обецуем теж и шлюбуєм за себе и за потомки наши великие князи Литовские под тоюж присегою нашою, которую есьмо учинили всим обывателем всих земль великого князства Литовского и всих земль ку нему здавна и тепер належачых у славе, титуле, столицы, зацность, и владзы, и можность роска зованью, и в иншых всих належностях и прислухива- нью и в границах ни в чом не вменшати и о вшем примножати.

И хотя бы пан бог з ласки свое светое нам господару узычити рачыл панства Литовского князей и панов рад духовных и свецских и всих врядников земских и дворных шляхту рыцерства и всих иных станов ни в чом того не понижати, але от всякое легкости и пониженья, яко славное памяти продки наши, великие князи Литовские, за щастливого панованья своего чынити стеречы и боронити будем, с помочъю божьего стараючисе о примноженье и вывышенья того панства и всих станов достойности оздоб и пожытков з наиболшого пилностью и всилованьем нашим.

Арт. 2. О вольностях шляхецских. Теж мы господар обецуем словом нашим за нас и за потомки наши великие князи Литовские под таким же обовязком нашим, яко вышей у первом артыкуле ест описано, иж всих князей и панов рад, як духовных, так и свецских, и всех врядников земских и дворных, панов хоруговных, шляхту, рыцарство, мещане и всих людей посполитых у великом князстве Литовском и во всих землях того панства нам заховати при свободах и вольностях хре- стиянских, в которых они, яко люде вольные, вольно обираючы из ста- родавна из вечных своих продков себе панов и Господарей великих князей Литовских, жыли и справовали прикладом и способом волных панств хрестиянских, ровнаючы однако маючы и тых вольностей ужи- ваючы и суседы братьею своею рыцерством и иные станы народу ко- руны Польское, и особливе на то при свободах и вольностях на приви- льях и листех великих князей Литовских, продков наших, и от нас всем вобец яко и кождому зособна на учтивости достоенства вряды на именья, на люде, на кгрунты и на што кольвек даных, и што еще будуть даваны вперед, напорушне неотменне (вечными часы ховати).

А хто- бы теж што хотя без привильев за отчызным правом яким кольвек обычаем набытых людей кгрунтов своих в держанью был, так за славного панованья продков наших короля его милости Казимера и Александра, яко теж за светое памяти Я отца нашего щастливого панова- нья, тые сами с потомки их близкими своими и тепер то вечне держати мають и будуть.

Арт. 3. Мы господар обецуем размножати великое князство Литовское, а штабы разобрано и одышло зась ку нему привернути. Теж добра княз- ства Литовского не уменшым и то, што будеть через неприятелей того панства нашего отдалено; розобрано и ку иншому панству от того панства нашего коли кольвек упрошоно, ку короне ку Мазовшу ку Прусом ку Ифлянтом, то за се ку власности того великого князства привести привлащати и границы оправити обецуем. А хотя бых теж кому за- граничником при границах тых верху мененых земли, именья, села и люди дали; тогда таковые мають с того служыти великому князству

Литовскому, а хтобы не хотел служыти, таковых привильев не маем мы и потомки наши держати.

Арт. 4. О неданье шляхты и их имений кгрунтов и всяких вольностей и теж ноданье листов и привильев против сему статуту.

Уставуем и вечными часы ховати и держати обецуем, иж як о прод- ки наши великие князи Литовские, так и мы незвыклые никому ни которым способом бояр шляхецских имений кгрунтов и земель давати, так и тепер на все потомные часы обецуем и прирекаем под тою ж при- сегою нашою, которую есьмо учинили обывателем сего панства нашего великого князства Литовского, бояр шляхты и их имений кгрунтов и всякое маетности и иных свобод и вольностей и прав в них отбирати и отводити, и ни яким особам, которым кольвек в том панстве обывателем яко и заграничником и посторонним и жадному иному, давати за- писовати и ни которым способом отдаляти не маем.

Арт. S. О соймиках поветовых и о выправованью и посланью в них послов земских на вольный сойм. Уставуем для лепшого порадку во всех речах и в способу ку справедливости и обороне, абы за волею всех на соймиках потребы се земские становили и отправованы были, або вечными часы перед сеймом великим вальным, которым маем мы и потомки наши завжды, коли того потреба окажеть речы посполитое великого князства, порядою рад наших тогож панства складати листы нашими соймики поветовые, а меновите на тых местцах и воеводствах нижей суть написаных и постановленых, которые соймики также листы нашыми даны будуть не на близшей час и рок, толко за чотыры недели перед соймом великим.

На которые соймики мають зъежджатися и бывати тые воеводове и каштелянове врядники земские, потомуж князове панове шляхта того ж повету и воеводства, а намовляти о тых речах и потребах земских, которые им на местцах наших ознаймены будуть, на мней теж о своих и о всех потребах земских и долеглостях оного повету и воеводства; и зволившыся вей одностайным зданьем мають обирати послов своих; то ест от кождого суду земского, колко их у том воеводстве будеть, по две особы, послати их на сойм ознаймившы и вручившы то все им, о чом водле листов наших господарских, и теж во всех потребах, радити намовляти и становити мають, даючы им моц на том таковом вальном сойме поступовати и кончыти тые и иные при- палые речи водле часу и потребы. Ведже князей, панов, маршалков и иных всих урядников земских и дворных подле старого обычаю маем листы нашими на таковый вальный сойм взывати; и тые вей в раде по- сполитой местца и воты свои будуть мети способом звычаю стародав- ного, а пословы земские местца и воты свое мають мети водле порадку нижей написаного.

Арт. 6. О сойму вальном. При том теж уставуем, с призволеньем рад наших духовных и свецких и зо всими стану сойму належачыми, на теперешнем сойму великом Виленьском, хочеты то все мети вечными часы, иж маем мы и потомки наши великие князи Литовские с потребы речы посполитое за радою рад наших того ж панства, або за прозбого ры- церства, складати сеймы вальные в том же панстве великом князстве Литовском завжды, коли колко того будеть потреба.

Арт. 8. Або панове шляхту о почтивость их сами не судили. Теж уста- вуем, иж княжата и панове рада наша шляхту и каждого бы з рыцер- ства нашего, которые теж шляхту нашу служебниками в себе ховают, не мають сами о почтивость судити кроме нас; бо тот суд никому иному не належит одно господару. А што се дотычеть злодейства, забийства и иншых речей выступков — то волни будуть панове их з ними, осадив- шы при собе пред се шляхту людей добрых, справедливость чынити, а в чом бы был хто с права поконан, тогды тот за выступок своей терпети и каран быти бы и горлом.

Арт.

9. Их достоенств врядов в дедицтво чужоземцем давано быти не маеть. Так теж мы господар обецуем и шюбуем под присегою нашою, которую учынили есьмо великому князству Литовскому и всим станом и обывателям его, беручы то из статуту старого пана отца нашего короля е.м. тому панству великому князству Литовскому даного, а в сесь вык- ладаючы и на то позволяючы, штож в том панстве великом князстве Литовском и во всих землях ему прислухаючих достойностей духовных и свецких городов дворов и кгрунтов староств вдержаньи и пожываньи и вечностей жадных чужоземцем и заграничником ани суседом таго панства давати не маем; але то все мы и потомки наши великие князи Литовские давати будуть повинни только Литве а Руси, родичом старо- житым и врожонцам великого князства Литовского и иных земль тому великому князству належачих.

Арт. 10. Достойности и вряды давные не мают быти нарушоны. Теж обецуем и хочем вечными часы мети, абы панове рада наша, так духовные яко свецкие, и вей иные врядники наши земские и дворные, в том панстве нашом великом князстве Литовском были во всяких достоен- ствах и у почтивостях захованы водле давного обычаю и кождый подле зацности и местца своего. А што се дотычеть владности и справ их судовых: в том се они мають заховати и справовати, яко нижей в сем статуте ест описано.

Арт. 11. Достоенств и врядов на заочное обмовенье не маем одыймовати. Теж обецуем, иж достойностей всяких врядов староств держав тивунств на справу чию кольвек и на обмовы заочные мы и потомки наши не мають отнимати; але коли бы который из врадников наших был рос- прошытель або шкодник наш и дворов наших, и до нас бы в том обмо- вен и обвинен был; тогды обоя сторона, як тая хто ведет, так на кого менит, мають перед нами очевисто стати, а мы с паны радами нашими великого князства Литовского, выслухавшы их и розознавшы тую реч, винного водле выступку его карати маем, а безвинне й без права на заочное поведанье не будем ни в кого врядов брати ани их з них рушати.

Арт. 12.

О держанью старых устав, а новых без сейму вального не встановляти. Теж прирекаем вен привелея земские стародавные и ново от нас наданые волности и звычай добрый стародавній тым статутом нашим ховати и ни в чом ни нарушати, а нового ничего не встановляти. А ведь же была ль бы того потреба што нового прибавити ку доброму речы посполитой; тогды того не маем чынити ани встав жадных дела- ти, аж на вальном сойме того панства нашого и в здешнем панстве на- шом великом князстве Литовском, а ведомостью порадою рад наших и призволеньем всих земль того панства нашего.

Арт. 13. О волности выеханья нашого из земли кром земль неприятельских. Теж узычаем и уфаляем вечными часы, абы княжата и панове хо- руговные шляхты и кождый человек рыцерский и всякого стану того панства нашего великого князства Литовского мели вольность и моц выехати и выйти с тых земль наших великого князства Литовского для наук у письме цвиченя учынков рыцерских и лепшаго счастья своего, и теж будучы неспособного здоровья своего для лекарств до всяких сторон и земль, кроме земль неприятелей наших Московского бусурманс- ких и иных, с ким тое панство наше на он час вальчыло; а ведьже так, абы из именей их под тым часом в небытности их самих службы земское не были омешканы, але нам и потомкам нашим яко при них были завжды, только иле кроть бы потребы вказовали подле уфалы и уставы земское были заслугованы. А если бы сын поехал по рыцерству, а отца собе зоставил, а в небытности его отец бы вмер, а не оставил бы по собе другого сына дорослого або опекуна або близкого кревнаго прирожо- ного в именях; тогды мы господар маем опекуна установити на тые именья, хто бы з них службу земскую заступовал и именья от кривды и шкод боронил, а кгды тот с чужих земль приедет, мает именья, и маетность свою до рук взяти яко властность свою. Арт. 14. По смерти отцов и маток и иных кровных и близких их детей и потомков от каждого дедицства спадком выслуги и всякого набытья не отдаляти. Теж уставуем, иж по смерти отцов и маток их дети сынове и дочки отчизны и материзны не мають быти отдалены, але они сами и щадки их властные кровные и близкие правом прирожоным и слушне набытым звычаем стародавным и теж статутом першым и теперешним мають посягнути и одержати, и тые добра на пожыток свой оборочати вечными часы.

А то се теж будет розумети о близкостях спадкох выслу- гах и всяком набытью водлуг права тым же обычаем, естли бы было колко братьи и сестер рожоных выданых албо и не выданых замуж, а тые бы братья межы собою отчызною поделилися, албо еще не поделили, а который бы з них потом умер не зоставивши по себе плоду; тогды его часть отчызны толко на братью приходит и на их потомство, а на сестри толко выправа с четвертое части всякого именья, естли бы перед тым которая з них замуж идучы от отца своего або теж от тое ж братьи не была дана, поколь бы се были межы собою не поделили; а если бы была матерызна, тогды мають братья з сестрами ровно поделити межы собою.

Арт. 1S. Людей простых над шляхту не повышати. Теж простых людей над шляхту не повышати, на достойности их прекладати и врядов наших простым людем давати не маем, а шляхте кождому рыцерскому человеку тутошнего панства нашого великого князства Литовского родичу мы господар, з ласки нашое господарское за службами за годнос- тями их нам господару, обецуем их водле годностей достойностями и вряды опатровати и в службах наших заховати, яко верных наших под- даных.

Арт. 24. О вызволенье от платов новых и подвод кромей стародавнего обычаю, як теж по дорогам. Теж у ставу ем и хочем мети, абы вей по- сполитые люди тяглые и вей поданые княжат панов хоруговных, шляхт, бояр и мещан тых земль великого князства Литовского от кож- дое дани плаченья и податку серебщизного, и теж дела и ото всяких беремен каменья дерева або дров ку паденью плиты и вапна на замки наши, кром стародавнаго обычаю, так и подводы хтобы перед тым давал и подыймованье стацыи на станех и на местцах звычайных нам господарю послом гонцем нашим, так теж и мосты поправовати и новые на старих звычайных местцах будовати замки старке поправо- вати, так и на тых старих местцах деленицы свое знову будовати и послов подыймовати, то водлуг стародавного обычаю в целости захову- ем. А княжата панове рады воеводе старостове украинные и нихто з шляхты, ездечи по дорогам от именья до именья своего и в войско на замки украинные едучи, именей шляхецских и их подданных це мають шкодити, стации и подвод брати, але собе и слугам и конем своим за пенези водлуг торгу ценою куповати будуть повинни; а хтобы над сюю уставу нашу што учинил, тот стороне жалобливой кгвалту дванадцать рублей грошей платити маеть, а шкоду совито оправити за слушным доводом.

Арт. 27. О мещанех места нашого Виленского, яким правом шляхту з мещаны судити мають. Теж уставуем, иж кгды бы се трафило жалова- ти которому шляхтичу на подданных наших мещан Виленьских о раны о головщизны; тогды о то судить вряд меский маеть своим судом, Май- деборским правом, водлуг привильев и наданья им от нас господаря и от предков наших. Где бы се теж трафило який кгвалт мещанину от шляхтича, хотя бы в том месте нашом Виленьском; тогды таковые речы вряд замковый земский справедливость чинить будуть правом земским и статутом прав посполитых сего панства великого князства Литовского, и карати ведлуг права и статуту земского. А мещане иных мест шляхту судити мають о раны о головщизны их шляхецкие земским правом, водлуг стародавнего статуту короля е. м. Жикгимонта пана отца нашего.

Арт. 29. О слуги и о люди шляхецские челядь неволную, которые до мест входить. — Уставуем, которие бы слуги и люде отчизные або челядь невольная втекли от княжат, панов або от которого шляхтича, и пришли до столечного места нашего Виленского, або до иных мест наших князских, панских и духовных, в землях панства нашего великого княз- ства Литовского; иж тых людей слуг мають войтове, бурмистрове, рад- цы наши з мест наших выслухавшы слушного доводу от панов их суде- чи земским правом, кромей которое бы слуги шляхецские пришедши до мест наших, а принемши право в котором з мест наших войтове и врядники наши выдати не мають. А што се дотысечь челяди неволное, которые бы пришли до мест наших; тым ани права Майдеборского принятье ани оселость ани теж заселене десети лет ку помочы быти не маеть, и повинны будуть войтове и державцы и врядники наши им вы- дати. Так теж старостам и державцам и врядником нашим, где права Майдеборского нет, на врядех наших тым же обычаем противко таковым збегом заховатися мають.

Арт. 32. Отец за жывота своего змушенья не повинен именья детем поступовати, леч по доброй воли части его. Уставуем теж, иж отец де- тем за жывота своего змушенья не повинен именья жадного посту- повати, нижли по доброй воли своей, што воля его будеть. Также невеста, которая будеть именья свои отчызные або материстые мети, змушенья не повинна за живота своего детем поступовати, але што будеть добрая воля ее, то может поступити. А што се дотычеть мате- ристых именей, не будуть ли мети на то слушного права и описов, повинен то сыну дорослому и девце замуж ее выдавши поступити; а сын и дочка на отцу жадных шкод и личбы с тых имений поискивати не мають.

Арт. 34. О вольности шафовати выслугою своею. Теж хто кому дати хотел даровати записывати або продати именье выслугу свою на нас господарю; тот не можеть того никому перед жадным урядом запи- сати; только пришедшы и постановившы се перед нами господарем и з ведомом нашим, а мы того боронити не будем. Ведже которые бы мели привилья наши, а в них то доложено, иж волно ему отдати, даровати и записати; таковые могут оное именье записовати перед кождым врядом, яко отчызну свою або куплю. А звлаща тые которые бы собе и потомком своим на вечность описаную мели, а тые привилья мають на врядех оказываны быти; а которые бы ленным правом або дожывотьем або до воли и ласки нашое господарское имели, тых маем заховати водле привильев их и ласки нашое госпо- дарское.

Арт. 37. Хто бы именье от нас даное в кого отыймовал. Теж уставуем, кому быхмо мы господар именье або люди и земли дали, а хто иншый по той данине нашой тое именье отнял; тогды тот, у кого отнято, может того доходити и правом поискивати, нижли большей искати не можеть одно, яко ему дано и як на нас господаря то держано, толко бы давности земское от того часу, яко ему дали, не омешкал.

Арт. 39. Мы господар шлюбуеем однакую справедливость всим чинить, а [пересуду] мы и панове рады нашим брати не маем. Обецуем теж з ласки и добрости и милости нашой господарской ку подданным нашим, всему рицерству великого князства Литовского, под сумненьем нашим, иж мы господар и панове рада наши маем кождому стану всим заров- но однакую справедливость чинить без отволоки, а от права не маем ничего брати; потомуж и панове рада наша, а не маем теж стати и зычностью быти одной стороне, але просто кождому справедливость делати будем повинни, так теж и панове рада наши под присегого, которую до рады вчинили, справедливость чинити будуть повинни. А што се дотычеть почтивостей шляхецских, а то жаден с панов рад ани суд замковый ани теж суд земский поветовый не маеть судити, толко мы сами господар с порадою панов рад наших великого князства Литовского судити маем обычаем вышейписаным. Ведже што здавна и теперь в сем статуте суду замковому належыть, то суд замковый судити и отправовати маеть.

Роздел семый

О злписех и продажах Арт. 3. Хто бы хотел именье свое отчизное продати або зоставити. Хочем теж мети и уставуем, абы кождый таковый, хто бы хотел именье свое отчизное продати або заставити; тогды маеть прийти перед нас господара або перед вряд земский, в котором повете тое именье лежит, объявити перед судом земским, которая продажа за таковым обычаем будеть моцна и вечна держана, хотя бы на то и потверженья нашего господарского не было. А ведьже тот, кому будеть записано, того ж часу маеть, взявши возного з уряду поветового, увойти в держанье и того именья; пакли бы по оном записе в держанье того именья не пришел, а давность земскую десеть лет промолчал, тогды таковая продажа и застава потом моцы ни которое мети не будеть.

Арт. 4. О вольности продати третюю часть на вечность. Уставуем, хто бы хотел именье свое отчизное продати на вечность; тогды только третюю часть именья отчизного вольно ему на вечность продати, а две части того ж именья в суме зоставити. А ведьже не маеть большей на тые две части именья отчизного брати, только так, якобы сума не превышала на уфалу и постановене наше.; а где бы больш на тые две части пенезей дано, тогды дети яко близкие не будуть повинни больш платити, только шацунком потому яко вышей описано, а што будеть пре- вышати, хто вышей дал, маеть згинути.

<< | >>
Источник: А. С. Чайковський (кер.), О. Л. Копиленко, В. М. Кривоніс, В. В. Свистунов, Г. І. Трофанчук. Хрестоматія з історії держави і права України: Навч. посіб. — К.: Юрінком Інтер — 656 с.. 2003

Еще по теме Роздел третий О вольностях шляхецких и о розмножень ю великого князствл Литовского:

  1. Роздел третий О вольностях шляхецких и о розмножень ю великого князствл Литовского