<<
>>

Канон молитвенный Ангелу-хранителю

Этот канон надо читать, когда человек особо нуждается в поддержке Ангела-хранителя. Читать его можно в любое врем за себя и за своих близких (в заботе о них).

Тропарь, глас 6-й

Ангеле Божий, Хранителю мой святый, живот мой соблюди во страсе Христа Бога, ум мой утверди во истинней пути, и к любви горней уязви душу мою, да тобою направляема получу от Христа Бога велию милость.

Слава, и ныне: Богородичен.

Святая Владычице, Христа Бога нашего Мати, яко всех Творца недоуменно рождшая, моли благость Его всегда, со Хранителем моим Ангелом, спасти душу мою, страстьми одержимую, и оставление грехов даровати ми.

Канон, глас 8-й Песнь 1

Ирмос: Пойм Господеви, проведшему люди Своя сквозь Чер- мное море, яко един славно прославися.

Иисусу: Господи Иисусе Христе Боже мой, помилуй мя.

Песнь воспети и восхвалити, Спасе, Твоего раба достойно сподоби, безплотному Ангелу, наставнику и хранителю моему.

Припев: Святый Ангеле Божий, хранителю мой, моли Бога о мне. Един аз в неразумии и в лености ныне лежу, наставниче мой и хранителю, не остави мене погибающа.

Слава: Ум мой твоею молитвою иаправи, творити ми Божия повеления, да получу от Бога отдание грехов, и нснавидети ми злых настави мя, молюся ти.

Иныне: Молися, Девице, о мне, рабе Твоем, ко Благодате- лю, со хранителем моим Ангелом, и настави мя творити заповеди Сына Твоего и Творца моего.

Песнь 3

Ирмос:Ты еси утверждение притекающих к Тебе, Господи, Ты еси свет омраченных, и поет Тя дух мой.

Все помышление мое и душу мою к тебе возложих, хранителю мой; ты от всякия мя напасти вражия избави.

Враг попирает мя, и озлобляет, и поучает всегда творити своя хотения; нр ты, наставниче мой, не остави мене погибающа.

Слава: Пети песнь со благодарением и усердием Творцу и Богудаждьми, и тебе, благому Ангелу-хранителю моему: избавителю мой, изми мя от враг озлобляющих мя.

И ныне: Исцели, Пречистая, моя многонедужныя струпы, яже в души, прожени враги, иже присно борются со мною.

Седален, глас 2-й

От любве душсвныя вопию ти, хранителю моея души, все- 1 святый мой Ангеле: покрый мя и соблюди от лукаваго ловлення всегда, и к жизни настави небесней, вразумляя и просвещая и укрепляя мя.

Слава, и ныне: Богородичен.

Богородице безневестная Пречистая, Яже без Семене рождши всех Владыку, Того со Ангелом- хранителем моим моли, избавити ми ся всякаго недоумения, и дата умиление и свет души моей и согрешением очищение, Яже едина вскоре заступающи.

Песнь 4

Ирмос: Услышах, Господи, смотрения Твоего таинство, ра- зумех дела Твоя, и прославих Твое Божество.

Моли Человеколюбца Богаты, хранителю мой, и не остави мене, но присно в мире житие мое соблюди и подаждь ми спасение необоримое.

Яко заступника и хранителя животу моему прием тя от Бога, Ангеле, молю тя, святый, от всяких мя бед свободи.

Слава: Мою скверность твоею святынею очисти, хранителю мой, и отчасти шуия да отлучен буду молитвами твоими и причастник славы явлюся.

Ипыне: Недоумение предлежит ми от обышедших мя зол, Пречистая, но избави мя от них скоро: к Тебе бо единой прибегох.

Песнь 5

Ирмос: Утрснююше вопием Ти: Господи, спаси ны; Ты бо еси Бог наш, разве Тебе иного не'вемы. '

Яко имея дерзновение к Богу, хранителю мой святый, Сего умоли от оскорбляющих мя зол избавити.

Свете светлый, светло просвети душу мою, наставниче мой и хранителю, от Бога данный ми Ангеле.

Слава: Спяща мя зле тяготою греховною, яко бдяща сохрани, Ангеле Божий, и возстави мя на славословие молением твоим.

И ныне: Марие, Госпоже Богородице безневестная, надеждо верных, вражия возношения низложи, поющия же Тя возвесели.

Песнь 6

Ирмос: Ризу мне подаждь светлу, одеяйся светом яко ризою, многомилостиве Христе Боже наш.

Всяких мя напастей свободи, и от печалей спаси, молюся ти, святый Ангеле, данный ми от Бога, хранителю мой добрый.

Освети ум мой, блаже, и просвети мя, молюся ти, святый Ангеле, и мыслити ми полезная всегда настави мя.

Слава: Устави сердце мое от пастоящаго мятежа, и бдети укрепи мя во благих, хранителю мой, и настави мя чудно к тишине животней.

И ныне: Слово Божие в Тя вселися, Богородице, и человеком Тя показа небесную лествицу; Тобою бо к нам Вышний сошел есть.

Кондак, глас 4-й

Явися мне милосерд, святый Ангеле Господень, хранителю мой, и не отлучайся от мене, сквериаго, но просвети мя светом неприкосновенным и сотвори мя достойна Царствия Небеснаго.

Икос: Уничиженную душ}' мою многими соблазны, ты, святый предстателю, иеизреченныя славы небесныя сподоби, и певец с лики безплотных сил Божиих, помилуй мя и сохрани, и помыслы добрыми душу мою просвети, да твоею славою. Ангеле мой, обогащуся, и низложи зломыслящия мне враги, и сотвори мя достойна Царствия Небеснаго.

Песнь 7

Ирмос: От Иудеи дошедше отроцы, в Вавилоне иногда, верою Троическою пламень пещиый попраша, поюще: отцев Боже, благословен еси.

Милостив буди ми и умоли Бога, Господень Ангеле, имею бо тя заступника во всем животе моем, наставника же и хранителя, от Бога дарованного ми во веки.

Не остави в путь шествующия души моея окаянпыя убити разбойником, святый Ангеле, яже ти от Бога предана бысть непорочне; но настави ю на путь покаяния.

Слава: Всю посрамлсну душу мою привожду от лукавых ми помысл и дел: но предвари, наставниче мой, и исцеление ми по- даждь благих помысл, уклоняти ми ся всегда на правыя стези.

И ныне: Премудрости исполни всех и крепости, Божественный, Ипостасная Премудросте Вышняго, Богородицы ради, верою вопиющих: отец наших Боже, благословен еси.

Песнь 8

Ирмос: Царя Небеснаго, Егоже поют вой ангельстии, хвалите и превозносите во вся веки.

От Бога посланный, утверди живот мой, раба твоего, преблагий Ангеле, и не остави мене во веки.

Ангела тя суща блага, души моея наставника и хранителя, преблаженне, воспеваю во веки.

Слава: Буди ми покров и забрало в день испытания всех человек, воньже огнем искушаются дела благая же и злая.

И ныне: Буди ми помощница и тишина, Богородице Присно- дево, рабу Твоему, и не остави мене лишена быти Твоего владычества.

Песнь 9

Ирмос: Воистинну Богородицу Тя исповедуем, спасеннии Тобою, Дево Чистая, с безплотными лики Тя величающе.

Иисусу: Помилуй мя, едине Спасе мой, яко милостив еси и милосерд, и праведных ликов сотвори мя, причастника.

Мыслити ми присно и творити, Господень Ангеле, благая и полезная даруй, яко сильна яви в немощи и непорочна,

Слава: Яко имея дерзновение к Царю Небесному, Того моли, с прочими безплотными, помиловати мя, окаяннаго.

И ныне: Много дерзновение имущи, Дево, к Воплощшемуся из Тебе, преложи мя от уз и разрешение ми подаждь и спасение, молитвами Твоими.

<< | >>
Источник: Антоний Церковный. Защита и лечение словом. Православные и народные методы / Антоний Церковный. —М.: ACT; Донецк: Сталкер,. — 318, [2] с: ил. — (Секреты деревенского знахаря).. 2005

Еще по теме Канон молитвенный Ангелу-хранителю:

  1. 1. 2. Военная деятельность Владимира Мономаха. Княжеские междуусобицы на Руси на рубеже XI - XII веков. Восстание 1113 года в Киеве
  2. ПРЕДМЕТНЫЙ УКАЗАТЕЛЬ К ТОМАМ 3(1) И 3(2)
  3. I. СТРАХ БОЖИЙ
  4. П. КУЛЬТ, РЕЛИГИЯ И КУЛЬТУРА
  5. VII. ОСВЯЩЕНИЕ РЕАЛЬНОСТИ 1918. V.3L Вознесение ІЬсподне. Ночь
  6. ПРЕДМЕТНЫЙ УКАЗАТЕЛЬ
  7. Канон молитвенный Ангелу-хранителю
  8. Молитва – крылья души
  9. I. Переживание мистического света